Тыдзень беларускай мовы і літаратуры

План правядзення тыдня беларускай мовы і літаратуры

19.02.2024 – 24.02.2024

19 лютага 2024 года прайшло ўрачыстае адкрыццё тыдня беларускай мовы і літаратуры. На працягу тыдня плануецца правядзенне гульняў, конкурсаў, віктарын, мерапрыемстваў.

У гэты дзень на калідоры школы адбывалася акцыя "Віншаванні роднай мове". Дзеці і настаўнікі актыўна пакідалі свае сардэчкі з цёплымі словамі і пажаданнямі.

У другі дзень Тыдня беларускай мовы вучні  далучыліся да фотафлэшмобу: рабілі цікавыя фотаздымкі з таблічкамі, надпісамі і цытатамі па-беларуску.

21 лютага адзначаецца Дзень роднай мовы. Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта.

У ДУА “Субацкая сярэдняя школа” прайшлі разнастайныя мерапрыемствы, прысвечаныя Міжнароднаму дню роднай мовы. Вучнямі, педагагічнымі і тэхнічнымі супрацоўнікамі, а таксама законнымі прадстаўнікамі вучняў быў напісаны Гродзенскі абласны дыктант на тэму “Сімвал бязмерных выпрабаванняў беларусаў”. Колькасць удзельнікаў: вучні – 9, супрацоўнікі – 15, законныя прадстаўнікі вучняў – 6.

У пачатку дня для вучняў была праведзена хвілінка інфармацыі, падчас якой вучні даведаліся пра Міжнародны дзень роднай мовы, час, месца і ўмовы яго зацвярджэння.

На перапынках праводзілася моўная хвілінка “Шануйце роднае слова”, у час якой вучні папаўнялі лексічны запас, тлумачылі значэнне беларускіх слоў і атрымлівалі за гэта прызы.

Акцыя “Гавары са мной па-беларуску” заахвоціла большасць вучняў нашай школы. Дзеці стараюцца размаўляць па-беларуску не толькі на ўроках, але і на перапынках, за што атрымліваюць значкі.

21 лютага ў разнаўзроставай групе прайшла забава "Па старонках роднай мовы". Дзеці разам з Арынкай і Міхайкам падарожнічалі па старонках беларускай кнігі: выконвалі разнастайныя заданні, гулялі ў беларускія народныя гульні. Забава прайшла весела. Дзецям вельмі спадабалася.

Класнымі кіраўнікамі былі праведзены ў гэты дзень наступныя мерапрыемствы: віктарына "Моўныя скарбы роднага краю"(4 клас), гульня-падарожжа "Родная мова – душа народа"(2 клас), пазнаваўчая гульня "Родная мова – крыніца празрыстая"(3 клас), круглы стол "Мова – аснова сяброўства"(8 клас).

Вучні 4 класа паўдзельнічалі ў мерапрыемстве “Моўныя скарбы роднага краю”. Тут яны паглыбілі свае веды аб роднай мове, гістарычным мінулым Беларусі. Дзеці разгадвалі рэбусы, гулялі ў скрыню з загадкамі.

У чацвер, 22 лютага, адбыліся мерапрыемствы, прысвечаныя беларускай народнай культуры. У фае школы была зроблена міні-інсталяцыя сялянскай хаты з сапраўднымі ручнымі вырабамі: збанкамі, рушнікамі, кошыкамі. На перапынку вучні азнаёміліся з гэтымі прадметамі, а таксама дакрануліся да часцінак мудрасці продкаў - прыказак. Дзеці тлумачылі іх і атрымлівалі за гэта прызы. Удзельнічалі пралстаўнікі розных класаў ад 4-га да 11-га. 

З нагоды дня роднай мовы, 22 лютага у 4 класе прайшло мерапрыемства “ Дзе ты, цудоўная родная мова. Арганізатарам гэтага мерапрыемства стала бібліятэкар школы Пабудзей А. М.  Мерапрыемства садзейнічала развіццю інтэлектуальных магчымасцей вучняў, іх творчых здольнасцей, выхаванню любові і павагі да роднай мовы, падтрыманню цікавасці да яе вывучэння.

У час правядзення гучала цудоўная песня “ Родная мова”, што стварыла святочны настрой у вучняў. Дзеці падрыхтавалі  вершы беларускіх паэтаў аб роднай мове. Гучалі вершы Авяр’яна Дзеружынскага , Тадзіяны Кляшторнай, Пімена Панчанкі, Г. Стодарт. Вучням прапаноўваліся розныя заданні пры выкананні якіх, яны замацоўвалі веды беларускай мовы, атрымлівалі  новыя звесткі аб ёй.  У канцы мерапрыемства рабяты зрабілі сваімі рукамі віншавальную паштоўку роднай мове ў дзень яе нараджэння.

24.02. У рамках тыдня беларускай мовы з вучнямі пачатковых класаў праведзена "Падарожжа па беларускіх народных казках". Дзеці слухалі казкі, адказвалі на пытанні, была праведзена віктарына па беларускіх народных казках. Быў арганізаваны прагляд беларускіх мультыплікацыйных фільмаў.

24.02. З мэтай актывізацыі ведаў падлеткаў пра Беларусь, яе прыроду, мову, славутых людей, побыт беларусаў праводзілася інтэлектуальна-пазнавальная віктарына "Дзівосныя  фарбы Беларусі". На працягу мерапрыемства ўдзельнікі спрабавалі дакрануцца душой і сэрцам да часцінкі таго, што  дорага нашым продкам і сучасным беларусам.