Отчет 07.03.2026

7 сакавіка ў рамках Дня  грамадзянскага, патрыятычнага і духоўна-маральнага выхавання для вучняў пачатковых класаў была праведзена  гульня-віктарына “Мая Беларусь”, якая садзейнічала фарміраванню   пачуцця патрыятызму, любові да Радзімы, пашырэнню ведаў аб культуры, гісторыі і геаграфіі Беларусі.

З самага ранняга дзяцінства дзеці  вучацца  любіць сваю Радзіму. Разам са словамі "мама", "тата" яны  вымаўляем словы "наша хата", "наша вёска", "наша вуліца", потым — "наша школа". "Наша" значыць "роднае, сваё", без чаго немагчыма ўявіць само жыццё, што нельга не любіць.

Гульня-віктарына “Мая Беларусь” прайшла  з цікавасцю і запалам, вучні  прадэманстравалі свае інтэлектуальныя здольнасці ў наступных намінацыях: “Абластныя гарады”, “Беларусь турыстычная”,“Мінск”, Гісторыя Беларусі”, “Культура і традыцыі Беларусі”.

Хлопчыкі і дзяўчынкі ўбачылі, якая Беларусь  разнастайная, з якой багатай гісторыяй і культурай.

Мерапрыемства  дапамагло вучням адчуць сябе сапраўднымі патрыётамі сваёй Радзімы.

Любіце сваю краіну, вывучайце яе гісторыю і культуру, ганарыцеся ёй!

Хіба можна кут не любіць,

Дзе твае нарадзіліся бацькі,       

Дзе жыццё пражылі дзяды,

Дзе спрадвеку твае карані?

Любы край Беларуссю завецца,

І няма за яго мілей.

I старым, і малым тут утульна,

3 кожным годам жывецца мажней.